ಸಹೋದ್ಯೋಗಿಯಿಂದಲೇ ಅಂತ್ಯವಾಯಿತು ಬಜೇಂದ್ರ ಬಿಸ್ವಾಸ್ ಪ್ರಾಣ: ಬಾಂಗ್ಲಾದಲ್ಲಿ ಮುಂದುವರಿದ ಹಿಂದು ಹತ್ಯೆ | Bajendra Biswas

ಪೊಲೀಸರು ಮತ್ತು ಪ್ರತ್ಯಕ್ಷದರ್ಶಿಗಳು ನೀಡಿರುವ ಮಾಹಿತಿಯ ಪ್ರಕಾರ, ಮೈಮೆನ್ಸಿಂಗ್‌ನ ಕೈಗಾರಿಕಾ ವಲಯದಲ್ಲಿರುವ ಉಡುಪು ತಯಾರಿಕಾ ಕಾರ್ಖಾನೆಯಲ್ಲಿ ಕೆಲಸದ ಸಮಯದಲ್ಲಿ ಈ ಘಟನೆ ಸಂಭವಿಸಿದೆ.

ಈ ದಾಳಿಯು ಕೆಲಸದ ವಿಚಾರವಾಗಿ ಬಜೇಂದ್ರ ಬಿಸ್ವಾಸ್ ಮತ್ತು ಅವರ ಸಹೋದ್ಯೋಗಿಯ ನಡುವೆ ಸಣ್ಣ ಮಾತಿನ ಚಕಮಕಿ ನಡೆದಿತ್ತು. ಈ ವೇಳೆ ಕುಪಿತಗೊಂಡ ಸಹೋದ್ಯೋಗಿ, ಅಕ್ರಮವಾಗಿ ಹೊಂದಿದ್ದ ಪಿಸ್ತೂಲಿನಿಂದ ಬಜೇಂದ್ರ ಅವರ ಮೇಲೆ ಹತ್ತಿರದಿಂದ ಗುಂಡು ಹಾರಿಸಿದ್ದಾನೆ. ಗುಂಡು ಬಜೇಂದ್ರ ಅವರ ಎದೆಗೆ ತಗುಲಿದ್ದು, ಆಸ್ಪತ್ರೆಗೆ ಸಾಗಿಸುವ ಮೊದಲೇ ಅವರು ಕೊನೆಯುಸಿರೆಳೆದಿದ್ದಾರೆ.

ಬಜೇಂದ್ರ ಅವರು ಅನ್ಸಾರ್ ಗ್ರಾಮ ರಕ್ಷಣಾ ಘಟಕವಾಗಿ ಕಾರ್ಯನಿರ್ವಹಿಸುತ್ತಿರುವ ಅರೆಸೈನಿಕ ಪಡೆಯಲಿದ್ದರು. ಅಲ್ಲದೆ, ಬಜೇಂದ್ರ ಬಿಸ್ವಾಸ್ ಕಾರ್ಖಾನೆ ಭದ್ರತೆಗಾಗಿ ನಿಯೋಜಿಸಲಾದ ಅನ್ಸಾರ್ ಸದಸ್ಯರಾಗಿದ್ದರು ಮತ್ತು ಅವರು ಪೊಬಿತ್ರ ಬಿಸ್ವಾಸ್ ಅವರ ಮಗ ಮತ್ತು ಸಿಲ್ಹೆಟ್ ಸದರ್‌ನ ಕದಿರ್‌ಪುರ ಗ್ರಾಮದವರು.

ಹಿಂದೂ ವ್ಯಕ್ತಿಯ ಮೇಲೆ ಗುಂಡು ಹಾರಿಸಿದ ಆರೋಪಿ ನೋಮನ್ ಮಿಯಾ (22) ಎಂಬಾತ ಅನ್ಸಾರ್ ಗುಂಪಿನ ಮತ್ತೊಬ್ಬ ಸದಸ್ಯನಾಗಿದ್ದು, ಆತನನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈತ ಸುನಮ್‌ಗಂಜ್‌ನ ತಾಹೆರ್‌ಪುರ ಪ್ರದೇಶದ ಬಲುತುರಿ ಬಜಾರ್ ನಿವಾಸಿ ಲುತ್‌ಫರ್ ರೆಹಮಾನ್ ಪುತ್ರನಾಗಿದ್ದಾನೆ.

ಘಟನೆ ನಡೆದ ಸಮಯದಲ್ಲಿ ಕಾರ್ಖಾನೆಯಲ್ಲಿ ಸುಮಾರು 20 ಅನ್ಸಾರ್ ಸಿಬ್ಬಂದಿ ಕರ್ತವ್ಯದಲ್ಲಿದ್ದರು ಎಂದು ಸ್ಥಳೀಯರು ತಿಳಿಸಿದ್ದಾರೆ. ಬಜೇಂದ್ರ ಬಿಸ್ವಾಸ್ ಮತ್ತು ನೋಮನ್ ಮಿಯಾ ಆವರಣದೊಳಗೆ ಒಟ್ಟಿಗೆ ಕುಳಿತಿದ್ದಾಗ ನೋಮನ್ ಬಳಿಯಿದ್ದ ಶಾಟ್‌ಗನ್ ಆಕಸ್ಮಿಕವಾಗಿ ಸಿಡಿದಿದೆ ಎಂದು ವರದಿಯಾಗಿದೆ. 

ಈ ಪ್ರಕರಣದ ಬಗ್ಗೆ ಮಾತನಾಡಿರುವ ಭಾಲುಕಾ ಮಾದರಿ ಪೊಲೀಸ್ ಠಾಣೆಯ ಅಧಿಕಾರಿ-ಪ್ರಭಾರಿ ಜಹಿದುಲ್ ಇಸ್ಲಾಂ ಸುದ್ದಿಯನ್ನು ದೃಢಪಡಿಸಿದರು. ಕೊಲೆ ಆರೋಪಿಯನ್ನು ಪೊಲೀಸರು ತಕ್ಷಣ ಬಂಧಿಸಿದ್ದೇವೆ ಎಂದು ಹೇಳಿದರು. ಇದಲ್ಲದೆ, ಬಿಸ್ವಾಸ್​ ಅವರ ಶವವನ್ನು ಶವಪರೀಕ್ಷೆಗಾಗಿ ಮೈಮೆನ್ಸಿಂಗ್ ವೈದ್ಯಕೀಯ ಕಾಲೇಜು ಆಸ್ಪತ್ರೆಯ ಶವಾಗಾರಕ್ಕೆ ಕಳುಹಿಸಲಾಗಿದೆ,(ಏಜೆನ್ಸೀಸ್).